संत नामदेवांची अभंगगाथा - 1

-

  1. संत नामदेवांची अभंगगाथा

                 ‌‌‌          मंगलाचरण 

    १.प्रथम नमन करूं गणनाथा। उमाशंकराचिया सुता ।

    चरणावरी ठेवूनि माथा । साष्टांगीं आतां दंडवत । १ ।

     दुसरी वंदूं सारजा । जे चतुराननाची आत्मजा।

    वाकसिद्धि पाविजे सहजा । तिच्या चरणवोजा दंडवत । २ ।

    आतां वंदूं देव ब्राह्मण । ज्यांचेनि पुण्यपावन ।

    प्रसन्न होऊनी श्रोतेजन । त्यां माझें नमन दंडवत । ३ ।

    आतां वंदूं साधु सज्जन । रात्रंदिवस हरीचें ध्यान ।

    विठ्ठल नाम उच्चारिती जन । त्यां माझें नमन दंडवत । ४ ।

    आतां नमूं रंगभूमिका । कीर्तनीं उभे होती लोकां ।

    टाळ मृदंग श्रोते देखा । त्यां माझें दंडवत । ५ ।

    ऐसें नमन करोनि सकळां । हरीकथा बोले बोबड्या बोला ।

    अज्ञान म्हणोनि आपल्या बाळा । चालवी सकळां नामा म्हणे। ६ ।

    २. प्रथम नमूं गजवदनु । गौरीहराचा नंदनु ।

    सकळ सुरवरांचा वंदनु । मूषकवाहनू नमियेला । १ ।

    त्रिपुरावधीं गणाधिपति । हरें पूजिला भावें भक्ती ।

    एके बाणें त्रिपुर पाडिला क्षितीं । तै पशुपति संतोषला । २ ।

    इंद्रादिकी अष्टलोकपाळीं । लंबोदरू पूजिला कनककमळीं ।

    त्यासी प्रसन्न झाला तयेवेळी । ह्मणवूनी सकळी पूजियेला । ३।

    सटवें रात्री मदनु शंभरें नेला । प्रद्युम्न समुद्रामाजी टाकिला ।

    तैं कष्णे विघ्नहरु पूजिला । प्रद्युम्न आला रतीसहित । ४ ।

    पुजिला साही चक्रवर्ती । त्यांचिया पुरती आर्ती ।

    युधिष्ठिरे पूजिला चतुर्थी । राज्य प्राप्ति झाली तया । ५।   

    ह्मणवूनि सुरवरीं केली पूजा। त्रिभुवनीं आणिक नाहीं दुजा।विष्णुदास नामा म्हणे स्वामी माझा। भावें भजा एकदंता। ६ ।

    ३. गणेश नमूं तरी तुमचा नाचणा। म्हणोनि नारायणा नमन माझें। १ ।

    सारजा नमूं तरी तुमची गायणी । म्हणोनि चक्रपाणि नमन माझें। २ ।

    इंद्र नमूं तरी तुमचिया भुजा । म्हणोनि गरुडध्वजा नमन माझें। ३ ।

    ब्रह्मा नमूं तरी तुमचिये कुसी। म्हणोनि हृषिकेशी नमन माझें। ४ ।

    शंकर नमूं तरी तुमची विभूती । म्हणोनि कमळापति नमन माझें। ५ ।

    वेद नमूं तरी तुझाचि स्थापिता। म्हणोनि लक्ष्मीकांता नमन माझें। ६।

    गंगा नमूं तरी तुमच्या अंगुष्ठी । म्हणोनि जगजेठी नमन माझें। ७ ।

    लक्ष्मी नमूं तरी तुमच्या पायांतळी। म्हणोनि वनमाळी नमन माझें। ८ ।

    ऐसें नमन माझें सकळिकां देवां । नामा म्हणे केशवा नमन माझें। ९ ।

    ४. गाण जरी म्हणों तरी गणेश सारजा। आणीक नाहीं दुजा तया वांचूनी। १ ।

    नाचणू म्हणों तरी तांडववीं महेश्वरू । तो एक नृत्यकारु करूं जाणे। २।

    बोलका म्हणों तरी बोलके वेद चारी। त्याने काय उरी जें मी बोलों। ३।

    जाणु म्हणों तरी अठराही जाणे। त्या काय उणें जें मी जाणों। ४ ।

    कळावंत म्हणों तरी चंद्र सूर्य दोन्ही। बारा सोळा गगनीं दाविताती। ५ ।

    नामा म्हणे सर्व अवघे वंचले। केशवें आपुलें म्हणावें मातें। ६ ।

    ५. देवा आदिदेवा सर्वत्रांच्या जीवा। ऐकें वासुदेवा दयानिधी। १।

    ब्रह्मा आणि इंद्रा वंद्य सदाशीवा । ऐकें वासुदेवा दीनबंधु । २।

    चौदा लोकपाळ करिती तुझी सेवा। ऐकें वासुदेवा कृपासिंधु। ३ ।

    योगियांचे ध्यानीं नातुडसी देवा । ऐकें वासुदेवा जगद्गुरु। ४ ।

    निर्गुण निर्विकार नाहीं तुज माया। ऐकें कृष्णराया कानडिया। ५ ।

    करुणेचा पर्जन्य शिंपी मज तोया । ऐकें कृष्णराया गोजरीया । ६ ।

    नामा म्हणे जरी दाविशील पाया। तरी वदावया स्फूर्ति चाले। ७ ।                                         

    Comments

    Post a Comment

    Popular posts from this blog

    संत नामदेवांची अभंगगाथा भाग - 5

    -
    वासुदेव बाबा अहंकार निशी घनदाट । गुरु वचनी फुटली पहाट। क्ति भेटली बरवंट। तिने मार्ग दाविला चोखट गा। १ । नरहरि रामा गोविंदा वासुदेवा ।धृ० । एक बोल सुस्पष्ट बोलावा। वाचे हरि हरि म्हणावा। संत समागमु धरावा । तेणें ब्रह्मानंद होय आघवा गा। २ । आला सीतळ शांतीचा वारा । तेणें सुख झाले शरीरा । फिटला पातकाचा थारा । कळीकाळासी धाक दरारा गा।३। अनुहात वाजती टाळ । अनुक्षीर गीत रसाळ । अनुभव तन्मय सकळ । नामा म्हणे केशव कृपाळु गा। ४ । गौळण ३७. परब्रह्म निष्काम तो हा गौळियां घरी । वाक्या वाळे अंदु कृष्ण नवनीत चोरी। १ । म्हणती गौळणी हरीची पाउले धरा। रांगत रांगत येतो हरी हा राजमंदिरा। २ । लपत छपत येतो हरी हा राजभुवनी। नंदासी ठाकूनी आपण बैसे सिंहासनी । ३ । सांपडला देव्हारी यासी बांधा दाव्यांनी । शंख चक्र गदा पद्म शारंगपाणी। ४ । बहुतां कष्टें बहुता पुण्ये जोडलें देवा। अनंत पवाडे तुमचे न कळती मावा। ५ । नामा म्हणे दातारा तुम्ही अहोजी केशवा। जन्मोजन्मी द्यावी तुमची चरणसेवा । ६ । 'निवृत्ती ज्ञानदेव सोपान मुक्ताई एकनाथ नामदेव तुकाराम' हे भजन म्हणावे. ३८. संतभार पंढरीत । कीर्तनाचा गजर होत...
    Read more

    संत नामदेवांचे अभंग गाथा भाग - 4

    -
    * भूपाळी व काकड आरतीचे अभंग २७. उठाउठा प्रभात जाहली। चिंता श्रीविठ्ठल माऊली। दीन जनांची साउली । येई धाउनि स्मरतांचि।१।। पंढरपुरी जे भिमातटीं। सुंदर मनोहर गोमटी। दोन्ही कर ठेवोनियां कटी। भेटीसाठी तिष्ठतसे। २।। किरीट कुंडले मंडित । श्रीमुख अति सुंदर शोभत। गळां वैजयंती डुलत । हार मिरवत तुळसीचा। ३। सुरेख मूर्ति सगुण सांवळी । कंठी कौस्तुभ एकावळी। केशर उटी परिमळ आगळी । बुका भाळी विलसतसे। ४ । पीत पीतांबर कसला कटी। अक्षयी वीट चरण तळवटी। सकळ सौंदर्य सुखाची पेटी। हृदय संपुष्टी आठवा तें। ५ ।अति प्रिय आवडे तुळसी बुका। तैसीच प्रीति करी भोळ्या भाविका। नामा पदपंकज पादुका। शिरी मस्तकीं वंदितसे ।। २८. उठा जागे व्हारे आतां । स्मरण करा पंढरिनाथा। भावें चरणी ठेवा माथा। चुकवा व्यथा जन्माच्या।। धन दारा पुत्रजन। बंधु सोयरे पिशुन। सर्व मिथ्या हे जाणून । शरण रिघा देवासी।। मायाविघ्ने भ्रमलां खरे । म्हणतां मी माझेनि घरें। हे तो संपत्तीचे वारें । साचोकारें जाईल। ३। आयुष्य जात आहे पहा । काळ जपतसे महा। 'स्वहिताचा घोर वहा । ध्यानी रहा श्रीहरीच्या। ४। संत चरणी भाव धरा । क्षणक्षणा नाम स्मरा। ...
    Read more

    संत नामदेवांची अभंगगाथा भाग - 6

    -
    हरिपाठाचे अभंग ३९. नामाचा महिमा कोण करी सीमा । जपा श्रीरामा एक्याभावें। न लगती स्तोत्रे नाना मंत्र तंत्रे । वर्णिजे वक्त्रं श्रीरामनाम। धा अनंत पुण्यरासी घडे ज्या प्राण्यासी । तरीच मुखासी नाम येत। ३। नामा म्हणे राम हा जप परम । तो देह उत्तम मृत्युलोकी। ४। ४०. जन्माचे कारण रामनाम पाठे। जाईजें वैकुंठे एक हेळां ।।। रामनामा ऐसां जिव्हे उमटे ठसा । तो उद्धरेल अपैसा इहलोकीं। २। दो अक्षरी राम हा जप परम। नलगे तुज नेम नाना पंथ। ३। नामा म्हणे पवित्र श्रीरामाचें चरित्र । उद्धरसि गोत्र पूर्वजेंसी। ४ । ४१. विषयांचे कोड कां करिसी गोड। होईल तुज जोड इंद्रियबाधा।१। सर्व हे लटिके जाणुनि तूं निकें । रामेंविण एके न सुटिजे। २। मायाजाळमोहो इंद्रियांचा रोहो। परि न धरिसी भावो भजनपंथे। ३ । नामा म्हणे देवा करी तूं लवलाहो । मयूराचा टाहो घन गर्जे। ४ । ४२. कांसवीचे दृष्टी जै होईजे भेटी । तै अमृताची वृष्टि घडे त्यासी। १। तैसें हे भजन श्रीरामाचे ध्यान । वाचे नारायण अमृतमय।२। धन्य त्याचे कुळ सदां पै सुफळ । दिननिशी फळ रामनाम । ३। नामा म्हणे चोखट भक्त तो उत्तम । वाचेसी सुगम रामनाम । ४ । ४३. सदा फळ सु...
    Read more