संत नामदेवांचे अभंग गाथा भाग -३
श्री विठ्ठलदर्शन १७. निर्गुणींचे वैभव आलें भक्तिमिर्षे । तें हे विठ्ठलवे ठसावलें। १ । बरविया बरवें पाहता नित्य नवें । हृदयी ध्यातां निवे विविधताप। २। चोविसांवेगळे सहस्रां आगळे। निर्गुणा निराळे शुद्धबुद्ध। ३ । वेदां मौन पडे श्रुतींसी कानडे। वर्णितां कुवाडे पुराणांसी। ४ । भावाचे आळुके भुलले भक्तिसुखें । दिधले पुंडलीकें सांधूनियां। ५ । नामा म्हणे आम्हां अनाथा लागुनी। निडारले नयनी वाट पाहे । ६ । १८. ज्ञान सत्य मुक्त शुद्ध बुद्ध युक्त । कारण रहित निरंजन। १ । ते आम्ही देखिले चर्मचक्षु दृष्टीं। उभा वाळवंटी पंढरीये। २। वेदां अगोचर तयां सहस्रमुखा। तें झालें पुंडलिका लोभापर। ३ । परतल्या श्रुती म्हणती नेती नेती। आम्हां गातां गीती सापडलें। ४ । स्वरुपाचा निर्धार बोलती पुराणें। शिणली दरुशनें वादतीं। ५ । नामा म्हणे यांसी भावची कारण । पावावया चरण केशवाचे। ६ । १९. विटेवरी उभा दीनांचा कैवारी । भेटाया उभारी दोन्ही बाह्या । १। गुण दोष त्यांचे न पाहेचि डोळां । भेटे वेळोवेळां केशिराज। २। ऐसा दयावंत घेत समाचार। लहान आणि थोर सांभाळितो। ३। सर्वांलागीं देतो समान दरुशन । उभा तो आपण सम पायी। ४ । ...
